हा खेळ हार्मोन्सचा

🌹हा खेळ हार्मोन्सचा 🌹

     मानवी जीवन एक गूढ आहे.कितीही शोध घ्या... काहीतरी निरुत्तर राहतंच.व्यक्ती तितुक्या प्रवृत्ती आढळतात.कोण,कसा हे ठामपणे सांगणंच अवघड!कारण कधी कोणती परिस्थिती येईल आणि त्यात मानवी वर्तन कसे असेल हे ठामपणे ओळखणे जवळजवळ अशक्य आहे.मनाचा अभ्यास करताना अर्थातच मानसशास्त्रज्ञ मानवी वर्तनाचा अभ्यास करतात.परंतू हे मानवी वर्तन परीस्थितीनुरुप भिन्न भिन्न असू शकते.म्हणूनच एखादी व्यक्ती विचित्र वर्तन करू लागली की आपणास आश्र्चर्य वाटतं.आणि हे सारे खेळ घडतात ते मेंदूतून स्त्रवणाऱ्या हार्मोन्समुळे!

     पण मानवी शरीरात हे हार्मोन्सचं संतुलन का बिघडत?ते बिघडू नये किंवा हार्मोन्स बॅलन्स सदैव संतुलित रहावा यासाठी आपण जाणीवपूर्वक प्रयत्न करतो का? घटना घडून गेल्यावरच हार्मोन्स प्रमाण कमी जास्त झाल्याने अशी अशी घटना घडली अशीच खूपदा चर्चा होतं असते.काही काळ अशा चर्चा रंगतात आणि पुन्हा मागे तसं पुढे अशी जीवनाची गाडी सुरू राहते.अस न होता आजकालच्या सुशिक्षित लोकांनी जीवन जगण्यासाठी आवश्यक ज्ञान काय आहे?मग ते आहाराबाबत असो,मानसिकतेबाबत असो, निरोगी जीवन शैली बाबत असो ते समजून घेतले पाहिजे.खरं तर मानवी जीवनाचं या हार्मोन्सच्या तालावर नाचत असतं.ज्या मानवी देहात हे हार्मोन्सचे स़तुलन उत्तम त्या मानवी जीवाचं जगणं उत्तम!त्याचाच जीवनरुपी डान्स परफारमन्स बेस्ट असंच हे गणित आहे.पण दुर्दैव हे कि, बऱ्याच जणांना हा हार्मोन्सचा खेळ न समजल्यामुळे जीवनात अपयश येतं.

     महिलांची मासिक पाळी देखील हार्मोन्स बदलामुळे अनियमित होते.अनेक शारिरीक तक्रारी निर्माण होतात.त्यावेळी त्यांना मानसिकता चांगली ठेवा, तणावाखाली राहू नका.योग्य संतुलित आहार घ्या.व्यायाम करा असाच सल्ला दिला जातो.एकंदरच काय आपलं जीवन सुंदर बनवायचं असेल तर या हार्मोन्स बाबाला खुश ठेवायला हवं.त्यानं त्यांच कार्य उत्तम करावं यासाठी आपणचं काळजी घ्यावी.शरीर आणि मन समजून घ्यायला हवं.आणि ते समजावून द्यायला हवं.आज अनेक मानसशास्त्रज्ञ, समुपदेशक सुंदर माहिती पुरवत आहेत.ती सोशल मिडियाचा वापर करून प्रत्येक मानवापर्यत आपण पोहचवू शकतो.आपल्या शरीरात कोणती हार्मोन्स पाझरतात? त्यांचं नेमकं स्वरुप काय असतं? त्यांचं संतुलन कसं आपणचं राखायचं याची माहिती घेऊन आपण आपलं आयुष्य सुंदर,आनंदी बनवू शकतो.एक साधं उदाहरण... एखादं रोपं लावलं आणि त्याची जशी हवी तशी निगा नाही राखली तर ते रोप कधीच मोठ न होता, दिर्घकाळ न जगता मरून जातं.अगदी तसंच मानवी जीवन सुंदर,आनंदी बनवण्याचे मार्ग वापरून आपण हार्मोन्स चा खेळ चांगला रंगवू शकतो.म्हणूनच मानसशास्त्र समजून घेऊन जीवन सुंदर बनवूया.पण हो, यातही जो पळेल तो जिंकेल या उक्तीप्रमाणे जो जो हे समजून घेऊन जाणिवपूर्वक प्रयत्न करेल तोच हा हार्मोन्सचा खेळ जिंकू शकेल.

सौ.सुधा पाटील 8459730502