*हो....मला स्वच्छंदी जगायचं आहे*
हो मला स्वच्छंदी जगायचं आहे
तोडून पायातल्या बेड्या साऱ्या
उंच गगनात भरारी घ्यायची आहे.
स्वच्छंदी पक्षी होऊन,वाऱ्यासोबत धावायचं आहे, फुलांचा सुगंध मनसोक्त लुटायचा आहे..
हो..
मला स्वच्छंदी जगायचं आहे...
स्वतःच्या पायावर उभं राहून,
माझीच प्रतिभा मला वाढवायची आहे.
नवनवीन तंत्रज्ञान शिकून सारं
मला अपडेट होऊन जगासोबत चालायचं आहे.
हो...
मला स्वच्छंदी जगायचं आहे.
समजलं आहे मला आता निसर्ग नियम सर्वांना सारखेच आहेत.
म्हणूनच मला माणूस म्हणून जगायचं आहे.
शतकानुशतकाची झुगारून बंधने,आता जरा मोकळा श्वास घ्यायचा आहे.
हो..
मला स्वच्छंदी जगायचं आहे.
माझं चालणं, माझं बोलणं, माझं हसणं, माझं हक्कासाठी लढणं, माझं हवं तसा पेहराव करणं.... सारं सारं.... कोणाच्या तरी अधीन आहे....ते सारंच आता थांबवायचं आहे...
माझा प्रत्येक क्षण आता... मला माझाच हवा आहे... म्हणूनच त्यासाठी मला लढायचं आहे.
हो...
मला स्वच्छंदी जगायचं आहे
चाकोरी सोडून आता वळणावळणाची वाट तुडवायची आहे...मोकळा श्वास घेऊन दबलेला आनंद उधळायचा आहे.
मलाच खूप खूप शुभेच्छा देऊन जिंकायचं आहे
छंद सारे जोपासून जीवनाचं अमृत चालायचं आहे.
हो...
मला स्वच्छंदी जगायचं आहे.
कोणत्याही टिप्पण्या नाहीत:
टिप्पणी पोस्ट करा